Новости

Экономикалық серіктестік және даму ұйымына (ЭСДҰ) мүше 34 ел азаматтарына Қазақстанға визасыз кіру тәртібі 1-ші шілдеден бастап іске қосылады – деп ҚР СІМ-ң Еуропа басқармасының бастығы Берік Садықов мәлімдеді. Садықов мырзаның айтуынша қазіргі сәтте бұл тәжірибе процедурасы қызығушылық танытып отырған мемлекет органдарымен келісу жағдайында және қатысты үкімет қаулысы дайындалып жатыр.

(ЭСДҰ) мүше ел азаматтарына Қазақстанға визасыз кіру тәртібі осы жылдың 31-ші қазанына дейін жалғасады. Бұл уақыт аралығында (ЭСДҰ) мүше ел азаматтары Қазақстанға визасыз 15 күн бойы бірнеше мәрте кіре алады. Сәтті болған жағдайда тәжірибе күнделікті іске айналып, осыған лайық елдер саны көбейеді. Консулдық төлемақының жетіспеуін, кіріп жатқан туристер санымен толтыруға болады деп есептелуде. Статистика бойынша 1 туристтің өзі барған жердегі 7 ел азаматына жұмыс тауып беріп, бірнеше апта ішінде 1 мың АҚШ долларына дейін сол елге жұмсап кетеді екен.